Os réptiles Os réptiles son vertebrados co corpo cuberto de escamas e/ou placas , con ou sen patas, reprodución ovípara ou ovovivípara e fecundación interna. Viven en gran variedade de ambientes terrestres (lagartos, serpes,…) e acuáticos (como as tartarugas mariñas) aínda que dependen do aire para respirar. A maioría son carnívoros e adoitan engulir as súas presas enteiras, pero algúns son herbívoros (tartarugas). Son poiquilotermos : a temperaturas baixas son lentos e pouco activos e no inverno aletárganse e hibernan. Clasificación Os saurios: Son as lagartas, lagartos, osgas, iguanas e camaleóns. Teñen a pel cuberta de escamas e o corpo alongado. Algunhas especies presentan un rabo do que poden desprenderse para escapar dos depredadores Os quelonios: Son as tartarugas. Teñen unha cuberta externa ríxida que lle cobre o corpo, soldada á columna vertebral, na que tamén poden agochar as patas e a cabeza.
